خاص لمحمد بن مريبد العازمي

العازمي لك متواصلين

محمد بن مريبد العازمي

[SIZE="6"]شبيت من راس الفتيل القناديل
وذبحت في ميلاد شعري تميمه

شاعر وامثل لابتي خير تمثيل
شعرن جديده يفتخر في قديمه

ابقى على حلم الليال المقابيل
تدفعني النخوه وقو العزيمه

ما اقول انا نجيب والا احمد زويل
اهل العقول الراجحه والحكيمه

لكن نحاول نرتقي جيل عن جيل
واكبر فخر إنا من امه عظيمه

ايامنا ذل وهوان وغرابيل
تهدم قيم والجهل مسرح جريمه

واعلامنا غزو عقائد وتظليل
قناة تمثيل وصحافه عقيمه

والشعر فصل حال الايام تفصيل
وجسد معاناة الشعوب الأليمه

واصدق لساني حلل الوضع تحليل
احساس شاعر نابع(ن) من صميمه

وانا ليا تغربت من غير تأويل
ارضي طموحي وافهمي يا فهيمه

انا ادري انه غرك القال والقيل
وكثرت عليك علوم راع النميمه

لكن ترى ماعاد لي للصبر حيل
ولا عدت اطيق المهزله والظليمه

صحيح اجابه صدمة الوقت وآشيل
والصبر مفتاح الفرج والغنيمه

واحاول ادور للأعذار تعليل
واقول ما ينسى نديمي نديمه

لك بين ريضان الحنايا مداهيل
ولك بالحشى حشمه وشيمه وقيمه

خوذي كلام اللي ليا قال ما يميل
وخلي كلام اهل العقول السقيمه

يا وردت(ن) مالت على ضفة النيل
يهبها ريح العبير ونسيمه

انا احتدملك وانثني واسرج الخيل
واعنلك واكرب شداد ريمه

ثلثين ليل وثلث باقي من الليل
بعد القطيف وقبل مفرق رحيمه

ترسل وانا مانيب يم المراسيل
الوضع سيء والنوايا مقيمه

رسايلك توحي بقطع المواصيل
الله يبيح اللي رعاك ويديمه

ماهو كذا تقفي وذودي مباهيل
وتهل دمعك مثل دمع اليتيمه

جرحتني توك وانا جرحي محيل
وهزمتني وانا ماعرف الهزيمه

وانا من احفاد الرجال المشاكل
بني عطا أهل الصفات الكريمه

إليا حدرنا وادي(ن) ضاربه سيل
وإليا تسندنا جبال(ن) مريمه

والمرجله لوهي ورا الجدي وسهيل
نسعالها سعي الغريم لغريمه

فهمتني والا تبي ندبل الكيل
نصيحتي خل العلاقه حميمه

لا تحسبن دمعي يبل المناديل
لا واللذي منعم عليك بنعيمه

إن رحت عني جعل دربك تساهيل
وإن جيتني غالي وقدر وحشيمه

طبعي كذا ماركض خلاف الاقاويل
وحسيبنا محيي العظام الرميمه[/SIZE]

ــــــــــــــ
قصيدة أبو ظبي

صدفه بلا ميعاد سابق من مطار ابو ظبي=حطت مراكيب الغرام اللي تشد ارحالها
وقفت لي في موقف(ن) محرج وانا الحر الابي=اللي حمول الوقت لاثقلت عليه اشتالها
قوي باسي لاحني راسي ولا ارخي منكبي=واللي عقد روس الحبال يحل روس احبالها
من عادني بأول سنين العمر مااعرف احبي=ارقى واروم المرجله واتعب لها واسعى لها
واصبر ولو تحرمني الايام كل اللي ابي=واعيش يومي والاماني شاربن(ن) فنجالها
صدفه اخير من الوعد والحجز مغلق من دبي=قلنا نروح ابو ظبي ويحلها حلالها
وقابلت من لالبست البرقع ولا لبست عبي=غنت لها الدنيا وانا اغني على موالها
استغفر الله من يلوم ابليس وابليس يهبي=لو حط سهمه بين حاجب عينها وظلالها
المشكله انه عريف وامره ياتونسي يامغربي=امن نسائي والعرب متشابهه بااشكالها
قلت اشهد ان لااله الا الله ومحمد نبي= والله يرحم حالتي والله يرحم حالها

الكاتب/عبدالله عادل الجواري العازمي
في ليلة تعد من أجمل ليالي محافظة القريات أقيم حفل تكريمي لنجم شاعر المليون محمد بن مريبد العازمي نظمه أهالي قبيلة العوازم بمحافظة القريات بحضور عدد كبير من الجماهير ومشائخ ومسؤلي وأعيان قبيلة العوازم وأهالي القريات وحضور جمهور من دولة الكويت ومن جميع أنحاء المملكة وبدأ الحفل الخطابي بالقران وكلمة ترحيبه القاها الأستاذ سلامه بن ولمان العازمي و قصيده للشاعر عايش ساير العازمي ومن ثم الشاعر خلف الأسيد الذي ومن ثم جاء دور ضيف الحفل الشاعر محمد بن مريبد العازمي والذي أبدع بثلاث قصائد وسط تفاعل الجمهور وبنهاية الحفل جاء دور تكريم مسؤلي وشخصيات القريات للضيف محمد مريبد حيث كان هناك تكريم من قبل صالح الرثعان مدير التنمية الإجتماعية بمحافظة القريات وبعدها جاء تكريم محدثكم أحمد عايض الشراري ومن ثم تكريم من الصحفي القدير محمد الريض ومن ثم تكريم من الصحفي القدير علي العطشان ومن ثم تكريم من أعيان قبيلة العوازم وكان الحفل ناجح بجميع المقاييس من حيث التنظيم والإستقبال وهذا الجهد يستحقون الشكر عليه الجدير بالذكر انه كان هناك حضور لقناة الدانه الفضائيه.

في حفل القريات لتكريم ابن مريبد

قصيدة الشاعر خلف الأسيد


الليله المحفل ضميره صافي=همت بهواه وهام بي مفتونه
لاهنت صدر بالوفا ياقافي=من معترك ملحه ومن زيتونة
وأشعل فتيلٍ يستثير الخافي=ماينطفي لو حاولوا يطفونه
وبلغ محبيني وقل لأحلافي= روحي لهم طول الدهر مرهونه
لا من دعوني جيت كلي وافي= ماني مجرد شاعراً يدعونه
الريح كفي والبحر مغرافي= والديم شعري والمزون مزونه
ديماً سحابه لاتهمر ضافي= يروي ثرى الضامي ويملا عيونه
له في محافل هالبلد ميقافي= اكبر من النسيان لو ينسونه
شمال صدري والشمال اطرافي = شمال راسي ماتهون متونة
صرحاً تجلى بالهوى النفنافي = أشرق مساه وجر عذب لحونه
رحب وحيا بالعزيز اللافي = شاعر من المليون نعشق لونه
نجماً سطع بين النجوم ونافي = من شاطي الراحه ربح مليونه
جمهور ماهو شيك من صرافي = للعازمي صفق وحيا افنونه
ثمن محمد والفعول تشافي = وسط الوطن واللي سكن بركونه
يستاهل التقد ير قرم اسنافي = شعر وادب بأخلاقه المقرونه
من لابةً يوم الملاقا تافي = بني عطا ياعون منهم عونه
ماقل دل وماذكرته قافي = قولاً رخيص الهرج يقصر دونه

الكاتب/عبدالله العازمي لمحمد بن مريبد العازمي
العمر فرصة والحياة ايام والدنيا ظروف

والمشتبه بالأمر ما بين الحرام من الحلال


الشعر ديوان العرب وأنا بشعري فيلسوف

اترك اهزال الشعر وانقا من معانيه الجلال


البارحه صدر الجنوب يضيق واشوف الحسوف

وين انت يا صدر الشمال احتجت للفزعه تعال


وردت مجاهيم الليال احيام ورياحي شعوف

من يوم وقفني بدرب العشق يسألني سؤال


واقوله بيني وبينه يا عسا الحب مخلوف

ان مارجع ربحه علي والله لا أرده راس مال


كم لي وانا تكويني الدنيا على روس الكتوف

واشيل ما لا اطيق من شانك واحملها الجبال


ومديت لك ريحانة الاشواق في بيض الكفوف

قبل يجف العطر والاشواق تدفنها الرمال


وقفتني في الشارع الضيّق وممنوع الوقوف

مسار واحد والمصيبه لا يمين ولا شمال


تقول طوّفها معي واقول عيت لا تطوف

اجيبها منا تجي منا و لا فيها مجال


والحب ما ينفع معه فزعه ولا واو معطوف

والحب لو زالت جبال الارض ذكره لا يزال


يرقا على رجم الغرام ويصدمه نبض الحروف

اشوي من نسج الغلا واشوي من نسج الخيال


وش عاد لو غنيت طاروقك وصفيت الصفوف

صفٍ يبا ياقف معي وصفٍ اليا من رحت شال


والله لتبطي ما وصلت ادنى مواصيل الهنوف

الجادل اللي دمعها لارحت والاجيت سال


الجادل اللي طيفها عندي ولا كل الطيوف

ام الحلا ام الغلا ام الدلع ام الدلال


اللي هداياها ملت كل الزوايا والرفوف

طلع ابطلتها بدر ويغيب لاغابت هلال


وانا اقدرها مثل تقدير حاتم للضيوف

واطرب على فيّة غلاها كل ما مال الظلال


اعيشها عيشة عمر مابين امن وبين خوف

ازرع لها شعري وهي تسقيه من غيث الوصال


حتى خذتني عشق وانا اخذتها رغم الانوف

واسكنتها روحٍ عن اهروج البشر منفى اعتقال


والا انت قربك ما يشجعني وفرقاك امعروف

اقلط على نزف الشعر والفال يقفاه العقال


حتى لو انت الذ من تمر المدينه والهفوف

ارحل ترى ايامك خضر لكن ترى اسنينك اهزال


تـــــــحـــــــيــــــــاتـــــــي

مشكوور وصح لسانك

مشكووووووووووور ع الموضوع

حبك حشرني حشره القير بثثين الضط ست و التواير مصاليخ<لأجل عيون يا اب و فريحان>

★ مشكوووووووووووووووووووووووووور ★ :> ★ مشكوووووووووووووووووووووووووور ★ :>

يسلموو واصل ابداعك وربي لا يحرمنا منك